Lallan Prasad Thakur

हे रे चन्दा

2012-02-05T01:18:00.000+05:30

"हे रे चन्दा"

हे रे चन्दा लेने जो सनेस पिया परदेश रे..........चन्दा....।

तोहें ने उगै छ आन्हर राति

बिसरल रहै छी पिया केर पांति

तोंहे जाँ उगै छ दीया बाती दीया बाती

होइये मोन मे कलेश रे ...........चन्दा...... ।

हम्मर दुःख केयो ने बुझैया

कोना ओ रहै छथि केयो ने कहैया

कहियौन्ह विकल छैन्ह हुनकर दासी हुनकर दासी

रुसल किए छथि महेश रे ...........चन्दा....... ।

पांति हुनके आजु गाबय छी

छवि में हुनके लीन रहय छी

धैर्य नहि आब बसल उदासी बसल उदासी

नहि अछि कोनो उदेश रे...............चन्दा रे..........चन्दा

बहुत जतन सँ ह्रदय के बुझेलहुं

नहि दोसर के हम किछु कहलहुं

आस बनल अछि नहि हम बिसरि नहि हम बिसरि

चाहि एतबहि, नय किछुओ बिशेष रे.........चन्दा

जहिया मँगलहुं एतबे मँगलहुं

सँग रही बस एतबे चाहलहुं

जनम भरक दुःख कही केकरा सँ कही केकरा सँ

गेलैथ ओ एहेन बिदेश रे...................चन्दा

-लल्लन प्रसाद ठाकुर-

हे रे चन्दा

2012-01-18T16:39:00.003+05:30

"हे रे चन्दा"

हे रे चन्दा लेने जो सनेस पिया परदेश रे..........चन्दा....।

तोहें ने उगै छ आन्हर राति

बिसरल रहै छी पिया केर पाँती

तोंहे जाँ उगै छ दीया बाती दीया बाती

होइये मोन मे कलेश रे ...........चन्दा...... ।

हम्मर दुःख केयो ने बुझैया

कोना ओ रहै छथि केयो ने कहैया

कहियौन्ह विकल छैन्ह हुनकर दासी हुनकर दासी

रुसल किए छथि महेश रे ...........चन्दा....... ।

-लल्लन प्रसाद ठाकुर-

मैथिली गीत !!

2011-01-24T17:29:00.000+05:30

"मधुर मधुर बाजय बाँसुरिया रे "

- लल्लन प्रसाद ठाकुर -

मधुर मधुर बाजय बँसुरिया रे नाचे गोपी बाला

गोपी बाला गोपी बाला गोपी बाला ...

मधुर मधुर बाजय ............... ........

कान्हा जी के बाँसुरी के तान निराला

तान निराला कान्हा तान निराला

मन के मोहे इ बँसुरिया रे मन के मोहे इ बँसुरिया रे नाचे गोपी बाला

मधुर मधुर बाजय ....................

बँसुरिया सुनि सुनि राधा मन डोले

राधा मन डोले कान्हा राधा मन डोले

राधा के तों कान्हा रसिया रे राधा के तों कान्हा रसिया रे नाचे गोपी बाला

मधुर मधुर बाजय .......................

कखनो के राधा सोचथि बाँसुरी सौतनिया

बाँसुरी सौतनिया कान्हाँ बाँसुरी सौतनिया

मुख सँ लगौने गोसैंया रे मुख सँ लगौने गोसैंया रे नाचे गोपी बाला

मधुर मधुर बाजय ..............................

चंदा (एकांकी)

2010-05-20T16:18:00.000+05:30

"चंदा "

एक साधारण नौकरीहारा व्यक्ति एवम उसकी पत्नी .....दरवाजे पर दस्तक

प्रथम व्यक्ति (सँग में दू तीन गोटे ) - औ विजय बाबू छी यौ...... । विजय बाबू .....

(विजय बाबू घर सँ निकलैत छथि , पाछू पाछू हुनक पत्नी )

विजय - जी अपने लोकनि के चिन्हल नहि ?

दोसर व्यक्ति - औ जी चन्ह्बय कोना .. । ऑफिस सs आबि तs अहाँ घरे में सन्हियेल रहय छी तs चिन्हबय कोना ।

तेसर व्यक्ति - छोडू इ सब गप्प कुमार जी बाबू ...औ जी हमरा लोकनि परमहंस लक्ष्मीनाथ गोसाईं मंडली सँ आयल छी । विशाल स्तर पर एहि बेर मिथिला महोत्सव करबाक नेयार कयने छी ।

पहिल व्यक्ति - जगन्नाथ जी मुख्य अतिथि रहताह । रामेश्वर ठाकुर जी विशिष्ट अतिथि , आ कि कहय छे जे धनिक लाल मंडल जी प्रमुख अतिथि ।

विजय - वाह इ तs प्रसन्नताक गप्प थिक ।

दोसर - तs एहि लेल अपनेक सहयोग चाहि ।

विजय - जी कहल जाय कि सहयोग चाहि ।

दोसर - औ जी कतs घर अछि.......सहयोगक अर्थ नहि बुझय छियैक ?......सहयोग माने चन्दा ।

विजय - चन्दा .......

चारिम - कि भs गेल यौ ........सा रे गा म प ध नी सा जकाँ कहलियैक चन्दा ..................

विजय - जी किछुं नहि नेने अबैत छी (भातर जाइत छथि )

पहिल - पाँच टाका...

दोसर - मात्र पाँच टाका....

तेसर - पाँच टाका केवलम

विजय - जी हमर इयैह ओकाइत अछि ।

चारिम - कि कहैत छी यौ ..........अहाँक औकाइत के नहि जानैत अछि ।

दोसर - जाती हज़ार पाँच हज़ार सोचि कs आयल छी ओहि ठाम पाँच टाका मात्र ।

चारिम - औ जी कुमर जी बाबू बुझा गेल .......जखने चलबाक समय बिलाडि रास्ता काटी देने रहैक त बुझा गेल छल जे अजुका जतरा ठीक नहि .....यैह यौ विजय बाबू कम स कम ५१ टाका दियौ.....एहि सs कम में काज नहि चलत ।

विजय - ५१ टाका ....? इ त हमरा बहुत भारी परत आ हमर घरवाली ......

पहिल - घरवाली ......एहि ठाम सेहो घरवाली । यैह ठीक मिथिलावासिक सब सँ पैघ बिमारी ......बिना घरवाली सँ पूछने मिथिला महोत्सवक चंदो नहि दs सकैत छथि ।

दोसर - आ काका एकटा छलाह मैथिल कवि विद्यापति .....घरवाली के कनिको मोजर नहि दैत छलाह ......कतेको बरख तक इ नहि कहलाह जे उगना महादेव स्वयं छलाह ।

चारिम - औ जी कने हुनको मान मर्यादाक ख्याल राखू .....जाऊ ....५१ टाका नेने आऊ ।

(विजय मोन मसोसि कs भीतर जाइत छथि आ ५१ टाका आनि कs दैत छथि । आ वापस जाय कs कुर्सी पर बैस जाइत छथि । पत्नीक प्रवेश )

पत्नी - एना जँ चन्दा देबय तs भरि मास खायब कि ?

विजय - एखैंह हमर दिमाग खराब जुनि करू ......हम अपने बहुत परेशान छी ......जाऊ चाह बना कs नेने आऊ ।

( पत्नीक प्रस्थान । पार्श्व सँ एकटा हारमोनियम ढोलक वाला क सँग प्रवेश )

उडिया - छिता रामो ...छिता रामो ....छिता रामो ....छिता रामो

विजय - सुनैत छी यै.....कने देखू तs के अछि.......

पत्नी - के होयत फेर कोनो चन्दा वाला

विजय - चन्दा वाला .........

पत्नी - आर नहि तs की अहाँ के फ़ोकट में गीत सुनबय आयल अछि ।

विनय - औ ठहरू हमरा देखय दिय ।

पत्नी - जी नहि ....अहाँ चुप चाप बैसू .....हमरा देखय दियs ।
अहाँ त फेर १०१ टाका द देबय ।
( पत्नी बाहर उडिया लग पहुँचि क)
पत्नी -क्या है.....?

उडिया - मोँ आश्रम के लिए चन्दा दो मोँ।

पत्नी - आश्रम के चन्दा.... अभी पछिला रवि दिन तs ले गया है चन्दा ......

उडिया - ओ कोई दूसरा आश्रम होगी मोँ ....हम तs पहली बार आई है मोँ ।

पत्नी - नहि नहि जाइए ....एतय सँ ....फेरो कहियो बाद में आइएगा ।

उडिया - माँ .....दे दो माँ ...तेरा बाल बच्चा जुग जुग जियेगी माँ .......आश्रम को दे दो माँ ।

पत्नी (स्वतः ) - सरधुआ नय देबय त गारोयो तारियो नय पढि दिये।

उडिया - क्या बोला मोँ.....

पत्नी - कुछो नहीं ....रुकिए (भीतर जा क २ टाका कs नोट आनैत छथि )

उडिया - दू टाका मोँ .....मात्रो दू टाका ...

हारमोनियम वाला - टाका (हाथ सँ छिनैत ) दू टाका में तो बीडी का एक बंडल भी नहि आएगा ।

पत्नी - क्या अहाँ सब इस पैसे से बीडी पिएगा ...(टाका हाथ स छिनैत ) जाइए दूसरा घर देखिये ।

उडिया - (पुनः रुपैया छिनैत ) इ त बेवकूफ है मोँ .....कुछो समझता नहीं है (छिता रामो ....करैत प्रस्थान )

पत्नी - (बड़बराइत ) ई आश्रम के नाम पर चन्दा आ पियत बीड़ी ।

विजय - की भेल ये........कते में फरियायल ।

पत्नी - मात्र दू टाका अहाँ जकाँ ५१ टाका में नहीं ओह ....चहक पानियो जरी गेल होयत ।

विजय - छोडू चाह ....आबि क पीयब .....लाऊ झोडा पहिने तरकारी आनि दी ......हे आई आधा किलो दूध बेसी आनि देने छी .....कने काजू किसमिस दs कs बढ़िया सँ खीर बनाऊ ।
(प्रस्थान )

(बाहर सँ पहलवानक आवाज )
पहलवान - इकबाल बुलंद होखे साहेब के ...जाय बजरंगबली.....

पत्नी - (भीतर सँ ) कौन ...?

पहलवान - तानी दरबज्जा त खोलीं माई .....राउर इलाका में नाम रौशन करेबाला .....मुख्यमंत्री लालू यादव के हाथ से पुरस्कार प्राप्त हुरदंग पहलवान राउर दरबज्जा पर आइल बा।

(पत्नी बाहर आबैत छथि)

पहलवान - जाय बजरंगबली के माई ........माई ई पहलवान सरायकेला में होय वाला आल इंडिया कुश्ती में भाग लेवे जा रहल बा ....सौ दू सौ रुपैया दीं माई .....जे खा पी के ......सरवा सब पहलवान के उठा के पटक दी ......

पत्नी - (स्वतः ) सौ दू सौ .....आरौ बाप रे .....
देखिये ....साहब एकैन्ह नहीं हैं बाजार गए हैं ....एक घंटा बाद आइए ।

पहलवान - एक घंटा बाद ......माई एक घंटा में त केतना पहलवान के उठा के पटक दिहिले हम ...........राजा नैखिं त का रानी त बारी ...........

पत्नी - देखिये सब पैसा कौड़ी उहे रखते हैं तs हम कतs सs देंगे ।

पहलवान - का कहतें हैं माई ....राउर इ बात में त हमरा डाउटे लागता .....आजकल त घरे घर मेहरारू के राज चलता ।

पत्नी - अरे आप विश्वास काहे नहीं करते हैं .....एक घंटा बाद आइए

पहलवान - अच्छा छोड़ी माई ......ई पहलवान के एक लीटर दूधे पिला दिन ...........सेहत बने में मदद करी ।

पत्नी - दूध ....अरे उ तो बच्चा के लिए है और खीर के लिए ।

पहलवान - रौआ कैसन बात कर तानी माई ....एक दिन बच्चा के दूध न मिली त मर ना जाइ ..... आ खीर त दोसरो दिन खा सकिले .....हल्दी करीं ......टेम बर्बाद जुन करीं
(पत्नी डरे जा क दूध आनि द दैत छथिन्ह .......पहलवान दूध पी जाइत अछि , मुँह पोछैत .....जाय बजरंग बलि कहैत प्रस्थान)
(पत्नी माथ पकिर क बैस जाइत छथि )

(पतिक प्रवेश )

विजय - एना मुँह कियैक लटकल अछि ये फुचुक रानी .....देखू तरकारी सब आनि देलहुँ.......लाउ जलखई लाउ बड़ जोर सँ भूख लागल अछि ........आय कतेक दिन पर खीर खायब ।

पत्नी - खीर कि खायब ...कप्पार ....सब्त दूध पी गेल ।

विजय - दूध पी गेल .....?

विजय - दूध पी गेल अहाँ के काजे अहिना होइत अछि .....भनसा घरक दरबज्जा ओहिना खुजले छोरि देने होयबय....त पित नहीं त कि ........एक पाई घरक खेयाल नहि ........कतेक मोन छल आय खीर खयबाक ।

पत्नी - ओफ .....हम कहैत छी जे पहलवान दूध पी गेल

विजय - हाँ हाँ ....हमहू बुझैत छियै जे एहि इलाका के सब मूस आ बिलारि पहलवाने सन सन होइत छय.....एना जँ खुल्ला छूट भेंटतय आ लीटर के लीटर दूध पियत त पहलवान नहि होयत त की ।

पत्नी - अहाँ बुझैत कियैक नहि छी ।

विअजय - हम की बुझबय ....बुझियौ अहाँ ....ओह आई खीर खयबाक कतेक इच्छा छल ....एक त भोरे सँ चन्दा वाला सब ताहि पर सँ इ बज्रपात ।

पत्नी - हे भगवान ...अपने सुर में बजने जा रहल छथि ......हिनका के बुझाबय ......

(भीतर जाइत छथि आ एकटा ताला चाभी आनि क दैत छथि )

आब एको त के चन्दा नहि देबय ........हे लिय बाहर सँ ताला लगा दियोक आ पाछू सँ चलि आऊ ।

विजय - अरे कय दिन एना दरबज्जा बंद करि क रहब आ .....बाहरक दरबज्जा बंद क बेबी तs कि बिलारि नहि घुसत ......

पत्नी - ओह फेर वैह बात .....हे ये .......कोनो दोसर मोहल्ला में घर ताकि लिय ......

विजय - दोसर मोहल्ला ? हे ये कोन मोहल्ला एहि सँ बांचल अछि .....हाँ एकटा काज कs सकैत छी.....नौकरी तौकरी छोडि कs सासुर में डेरा जमा दैत छी .....तखैंह कोनो चन्दा वाला तंग नहि करत ....उनटे अहाँक बाबुजी सँ हमही मंथली चन्दा माँगैत रह्बैंह .....

पत्नी - दूर......अहाँ के तs सदिखन मजाके सुझैत अछि ....जाउ ताला लगा दियौ .......आई छुट्टी के दिन तs आराम सँ बितत।

(विजय जहिना ताला लगाबय के उपक्रम करय छथि एकटा तेलगू भाषी केर एक हाथ में रजिस्टर लेने प्रवेश )

तेलगू - नमस्कार श्री मान .....लगता है आप कहीं जाने वाले हैं .....आपका ज्यादा समय नहीं लूंगा ....मैं आंध्रा का रहने वाला हूँ .........हमारा घर बार परिवार सब बाढ़ में बह गया ......कुछ नहि बचा ....आप कुछ मदद कीजिये ।(और भी कुछ कुछ तेलगू में बोलता है )

पत्नी - के आयल अछि .......(कहैत बाहर आबैत छथि )

विजय - भाई साहब आप क्या बोले हम कुछ नहीं समझे ।

तेलगू - हिन्दी आप हिन्दी ?

पत्नी - मैथिली हम मैथिली

विजय - ओह अहाँ चुप रहू.......हाँ हम हिन्दी

तेलगू -मैं आंध्रा का रहने वाला हूँ .........हमारा घर बार परिवार सब बाढ़ में बह गया ......कुछ नहीं बचा ....आप कुछ मदद कीजिये ।

विजय - भाई साहब मेरे पास चन्दा देने को कुछ नहीं है ......जाइए दूसरा घर देखिये ......

तेलगू - ऐसा मत कहिये भाई साहब .....अमां ....तुम तो समझती है ......कुछ नहीं बचा .....एक बीबी .....८ बच्चा .....४ बकरी .....२ भैंस .....२ कुत्ता ....सब था कुछ नहीं बचा .....तुम दयालु माँ ......तुम दयालु ....मदद करो .....

विजय - भाई साहब हमने कहा नही दूसरा घर देखिये ....

पत्नी - हे एना नहीं कहियौ ....देखियौ बेचारा के कि हाल छय ......सबके चन्दा दैत छियै ...एकरो किछु मदद करियौ ...

तेलगू - माँ ठीक बोलती है भाई साहब ....मदद करो

(रजिस्टर बढ़ा दैत अछि )

विजय - (रजिस्टर उलटैत ) हूँ ......की मदद करबय .....इ सब ढोंगी अछि .......देखियौ की लिखल छैक बगल वाला शर्मा जी के नाम पर ५०० रु.......भाई साहब इ शर्मा जी आपको ५०० रु. दिया है ।

तेलगू - हाँ

विजय - (डाँटेत) - सच सच बोलिए ....नहीं तो अभी शर्मा जी को बुलाता हूँ ।

तेलगू - (डराइत ) ५ रुपैया दिया २ जीरो हम अपना तरफ से लगाया ।

विजय - बुझालिये यैह धंधा छैक एकर ......बाढ़ी ताढी किछु नहि भेलैक इ एहि शहर के रहय वाला होयत झूठ बाजैत अछि ........सुनिए आप यहाँ से जाते हैं कि.........

तेलगू - अम्मा अम्मा हम झूठ नहीं बोलता
(गिरागिराबय लागैत अछि)

पत्नी - हे देखियौ कोना कानैत अछि .....दs दियौक २ टाका अहुँ ।

विजय - आ लिखी दियौ ५०० टाका ......लीजिये भाई साहब .....इ औरत सब के चलते ही आप लोगों को बढ़ावा मिलता है ........घर चलु आ ताला बंद कs दियौक।

तेलगू - धन्यवाद .....धन्यवाद ....मगर भाई साहब इतना गुस्सा ठीक नहीं .......अम्मा के जैसा दयालु बनिए ......अम्मा तुम तो लक्ष्मी है और तुम्हारा ये आदमी.....।

विजय - अब आप फूटते हैं यहाँ से कि .....

तेलगू - जाता भाई जाता काहे गरम होता .....

(प्रस्थान)

विजय - हूँ आब केकरो चन्दा नहीं देबय ....बाहर सँ ताला लगा दैत छियैक ....नहीं जानि आय केकर मुँह देखि क उठल रही ।

पत्नी - हम्मर

विजय - तैं इ हाल भेल

पत्नी - की कहलौं .....हमर मुँह कि खराब अछि ....

विजय - नहीं अहाँ तs चौहदवीं के चाँद छी

(ताबैत तीन चारि युवक केर प्रवेश)

पहला व्यक्ति - एकदम ठीक कहा आपने भाई साहब ....भाभी तो एकदम चौहदवीं का चाँद हैं ।

दूसरा व्यक्ति - अबे क्या कहता है भाभी तो श्री देवी हैं श्री देवी ।

विजय - अहाँ भीतर जाउ ।

तीसरा व्यक्ति - काहे भीतर जाने को कहते हैं भाभी को हमलोग कोनो उठा के थोड़े ले जाएँगे ।

चौथा व्यक्ति - भौजी से तनी दूगो मीठा मीठा बाते न करेंगे ....त इसमे आपका क्या घट जायेगा ।

विजय - अरे ....अहाँ जाय कियैक नहीं छी ......जाउ ।

(प्रस्थान) (चारों का ठहाका )

पहला व्यक्ति - अरे अरे उनको भगा दिया त अब बचा ही क्या है .....

दूसरा व्यक्ति - (कान में) लंगूर...

(चरों फिर ठहाका लगाते हैं)

विजय - तमीज़ से बात कीजिये ....किसी सभी आदमी के घर कैसे बात की जाती है इतना भी नहीं जानते .....

तीएसरा व्यक्ति - अरे ...अरे ....नाराज़ काहे होते हैं भाई साहब .....इतना तमीज़ से तो हम लोग पहली दफा बोल रहे हैं ।

विजय - अच्छा अच्छा ....बोलिए ?

चौथा व्यक्ति - क्या बोले .....शाला मूड तो ओफ कर दिया........निकालिए चन्दा ।

विजय - चन्दा .....किस चीज़ का.....

पहला व्यक्ति - चीज़ का नहीं पूजा का

दूसरा व्यक्ति - पूजा का ...किस पूजा का

तीसरा v यक्ति - ओ भाइ साहब कोनो पूजा समझ लीजिये काट दो भाइ २५० रु. का रसीद ।

विजय - २५० रु. का .......देखिये एक तो दादागिरी कर रहे हैं ऊपर से चन्दा .......हम चन्दा फंदा नहीं .......जाइए आप लोग

पहला व्यक्ति - सुनो भाइ ........इ चन्दा फंदा नहीं देंगे

दूसरा व्यक्ति - अरे का कहते हैं भाई साहब यहाँ तो मंथली चन्दा देता है सब आप से तो वार्षिक मांग रहे है .....दे दीजिये वरना ....

विजय - वरना क्या .....हम कहा न नहीं देगें ......जाइए जो मन में आए सो कर लीजिये

तीसरा व्यक्ति - चलो भाई लोग .....इ नहीं देंगे तो का कर लेंगे ....हमलोग चलो ।

चौथा व्यक्ति - चलते हैं चलते हैं ...तनि देक्ग ले की गोलिया बचा है कि नहीं ...
(पिस्तौल निकालकर गोली देखता है और फूंक मारता है ) तो भाई साहब चलें हमलोग ?

क्रमशः ......

नेना भुटकाक लेल गीत

2010-01-19T12:53:00.003+05:30

" नेना भुटकाक लेल गीत "

छुक छुक छुक छुक छुक छुक छुक छुक छुक छुक
रेल चलैया ....पू .......पू ...........
गार्ड के हरियर झंडी , इंजिन सं पू सीटी बजैया
छुक छुक ...........................

धक्कम धुक्की ,रेलम पेला
टीसन पर लागल छे मेला
सेब लिय अनार लिय
लs लिय बाबू केरा .......
हे .......छुक छुक ................

इ मद्रासी इल्ले पिल्लै
बंगाली बाबू मोशाय
पंजाबी की गल्ल है
मैथिल के पूछू यौ पूछू
आब कहु मोन केहेन लगैया
आगू पाछू लाईट जरैया
पूर्वा पछवा हवा बहैया
आब कहु ...............
सब अपना के गुरु बुझै छथि
केकरा कहबय चेला ...
हे...........छुक छुक ....

दिल धड़कल आँखि फरकल

2010-01-12T14:11:00.003+05:30

" दिल धड़कल आँखि फरकल "

दिल धड़कल आँखि फरकल
खाइते काल में सरकल
भोरका गाड़ी सँ आबि रहल छथि
घर वाली घर वाली
भेंटत काल्हि सँ फेरो
आलुक साना पाइन सन दालि
सबटा रोटी झरकल
दिल धड़कल ...........

काल्हि सँ फेर हाथ में झोरा
बौआ रहता हमरे कोरा
देवी जी आगू आगू
चाकर हम पाछू पाछू
जीप के पाछू में टेलर
जाइछै जेना गुड़कल
दिल धड़कल ...........

मौज छल कत्ते कहे छी सत्ते
होटल सिनेमा रोज अलबत्ते
सांझ छल आला कतेको बाला
अर्ध परिधान में देखय वाला
देवी जी के लटकल ठोढ़
आँखि सँ सदिखन झहरैत नोर
कोनो पहाड़ सँ झरना
जाई छै जेना झहरल
दिल धड़कल ..........

नैहरक गुणगान एकेटा तान
छेरि छेरि क खेती कान
बाप हमर इ देलैंह अहाँ बूते की भेल
आई धरि एकोटा सारियो ने किनी भेल
देवी जी के दुर्गा रूप
फज्जहति सुनियो करय छथि चुप
करेजा हम्मर फाटय जेना
कैंची सँ फाटय मलमल
दिल धड़कल .............. ।

- लल्लन प्रसाद ठाकुर -

मैथिली लोक गीत

2009-12-23T10:11:00.004+05:30

" लालमुनियाँ "

- लल्लन प्रसाद ठाकुर -

लालमुनियाँ अगहन के राज सौंसे दुनियाँ लालमुनियाँ ------

धाने बरियाती धाने सरियाती धाने बनल लोकनियाँ
लालमुनियाँ अगहन के..................................

करिया झुम्मर खेलय धान धरती गगन के चूमय धरती गगन के चूमय

बिह्वल अछि मजदूर किसान चिरइ दाना चूगय चिरइ दाना चूगय

झनन झनन झन झनन झनन झन बाजय तोहर पैजनियाँ
लालमुनियाँ अगहन.......................................

रंग बिरंगक चमकय सारी लहँगा तोहर चमकय लहँगा तोहर चमकय

सजल सजाओल हमर दुल्हनियाँ हवा सेहो आई गमकय हवा सेहो आई गमकय----

गाम नगरिया सौंसे डगरिया आइ बनल नचनियाँ
लालमुनियाँ अगहन ..................................

लहलह लहलह धानक बाली गढ़ा देबौ तोरा कानक बाली गढ़ा देबौ तोरा कानक बाली

गहना सौं हम लादि देबौ कट दही तों धानक बाली कट दही तों धानक बाली

दमदम दमदम दमकै लगतौ रंग तोहर जमुनियाँ
लालमुनियाँ .............................................

मैथिली माँझी गीत

2009-12-22T12:22:00.007+05:30

" माँझी गीत "

- लल्लन प्रसाद ठाकुर -

हैया रे हैया रे हैया हैया रे, हैया रे हैया रे हैया हैया रे ----

लहरि उठल छमाछम हवा चलल सनन सन ,
मयुर मन नाचि उठल सावन में संग संग, अहाँ आओर हम अहाँ आओर हम
हैया रे हैया रे हैया रे .............................

संग हमर मीत हमर माँझी के गीत हमर

नदिया के जल सन निर्मल पिरीत हमर

यौवन के चढ़ल रंग सावन में संग संग, अहाँ आओर हम अहाँ आओर हम
हैया रे हैया रे हैया हैया रे ....................

सावन के रंग में सजनी नहायल

घुँघरू छमकी उठल झनकी उठल पायल

थिरकी रहल अंग अंग, सावन में संग संग, अहाँ आओर हम अहाँ आओर हम
हैया रे हैया रे हैया हैया रे .....................

पिया बिनु चैन कहाँ चान बिनु रैन कहाँ
माँझी तों लेने चल प्रेमक हो देश जहाँ
बिरहा के फुजल अगन सावन में सँग सँग अहाँ आओर हम अहाँ आओर हम
हैया रे हैया रे हैया रे .........................

मैथिली गीत !

2009-12-20T10:13:00.005+05:30

"मधुर मधुर बाजय बाँसुरिया रे "

- लल्लन प्रसाद ठाकुर -

मधुर मधुर बाजय बँसुरिया रे नाचे गोपी बाला
गोपी बाला गोपी बाला गोपी बाला ...
मधुर मधुर बाजय ............... ........

कान्हा जी के बाँसुरी के तान निराला
तान निराला कान्हा तान निराला
मन के मोहे इ बँसुरिया रे मन के मोहे इ बँसुरिया रे नाचे गोपी बाला
मधुर मधुर बाजय ....................

बँसुरिया सुनि सुनि राधा मन डोले
राधा मन डोले कान्हा राधा मन डोले
राधा के तों कान्हा रसिया रे राधा के तों कान्हा रसिया रे नाचे गोपी बाला
मधुर मधुर बाजय .......................

कखनो के राधा सोचथि बाँसुरी सौतनिया
बाँसुरी सौतनिया कान्हाँ बाँसुरी सौतनिया
मुख सँ लगौने गोसैंया रे मुख सँ लगौने गोसैंया रे नाचे गोपी बाला
मधुर मधुर बाजय ..............................

मैथिली गीत

2009-11-24T14:47:00.004+05:30

सब एलय फगुआ में सजना ,
अहाँ बिना मोर आँगन सूना ।
सब एलय ............................।
चतुर्थिक राति अहाँ पढिते रहलहुँ ,
भोरे उठि कs अहाँ चलि देलहुँ ।
चिट्ठियो नहि देलहुँ खबरियो नहि लेलहुँ ,
जाइत काल एकोटा फोटुओ देलहुँ ।,
इहो नहि बुझलियय हम जीबय कोना ।
सब एलय ...................... ।
खूब पढू खूब पढू खूब पढू यौ ,
कखनो कs हमरो बिचारि करू यौ ,
लाल काकी के जोड़ा बेटा भेलैंह ,
सौंसे गामे के ओ भोज केलैन्ह ,
अपन कर्मक लिखल के मेटत के ,
ककरो एकोटा नहि ककरो भेंटय दूना ।
सब एलय ...................... ।

- लल्लन प्रसाद ठाकुर -

A Talent Whom I Miss

2009-09-07T07:29:00.003+05:30

My husband Lallan Prasad Thakur was a civil engineer by profession but he was an inborn artist. We generally don't see such type of talent in a person having technical background.He use to write drama scripts, act in a leading role, write it's lyrics and direct it. Acting was his passion and he acted in many plays since his childhood. He has written several Hindi and Maithli drama scripts which are now in form of books. Apart from that he use to write songs, poems, gazals, safety slogans, safety drama scripts, all in Hindi and Maithli. He has won several awards for his scripts, his directions, for his acting and even for his stage directions. Both my sons use to act in his plays and got several awards.

I have seen him writing, if he was in mood to write, he use to finish a full drama script in one stretch. I remember one or two of his dramas which he has written like that.Once he got an invitation for a play in a competition and after a meeting he decided to participate in that. The name of the play he announced in the meeting and date of the rehearsal was also fixed.Now he started thinking what drama to perform, he had a plot in his mind and he had a scene of it written.He use to have several plots for dramas in his mind and I had to listen his plots several times, not only plots, I had to listen all his dialogues several times also, during his script writing. So, the rehearsal also started on the schedule date with the first scene. I use to go with him everyday in all his rehearsals and both my sons were his child artist.

One day after his rehearsal he came and after tea he told me that today he was in a mood to write, secondly he had no options because he can't carry on the rehearsal with one scene, so after his dinner he is going to finish the script. He told me to make a flask of tea and go to sleep. After dinner children went to sleep, I made tea for him and kept it in the flask and went to sleep. At about 4:30 I woke up and went near him, he was still writing and told me to make tea for him. He said that the script was about to complete, so after making tea I also had tea with him, at 5:30 the script was complete. The play was very successfully played and got several prizes.

Once we went for a marriage of my cousin, there he met one of my mothers uncle, from his character he got a plot for his drama thus the script of his most popular play "Mister Nilo Kaka" was written. The main character of this play is an old man named "Nilo", who was very popular amongst his village people because of his humorous nature. The character Nilo never wanted to be said old man and he use to hate this word, as well as he had fear of snake. The youngsters use to tease him by saying old man. This play was staged twice in Mr. Thakur's direction, first in Jamshedpur which he organized himself, second time in the International Maithli Drama Festival. This was his first play outside Jamshedpur in Maithli and it was super hit and is still very popular. In a night he was the hero, after his play outside Jamshedpur.

Few days after" Mister Nilo Kaka" was staged in Jamshedpur he got an invitation for the international drama competition. Since the play was successfully staged in Jamshedpur and all the artist those who had acted in that play were available, he excepted the invitation. He had very less time for the competition but he was confident that this play would fetch several best awards. Again the rehearsal started, everything was going fine. I use to be with him in the rehearsal everyday and use to assist him. My younger son was also acting in that play so four of us use to go for the rehearsal. One day one of the artist named Lakshmikant who was doing the role of Sanichra came and said he had an unavoidable circumstances so he was going to his village but he will come within two three days and join. His role was not so big so Mr. Thakur was not worried about that but one day he got a message from one of the lady artist that she couldn't do the play because she was going out of the town. That day he was very upset, next day all of us went for the rehearsal but it was more like a meeting than a rehearsal. After rehearsal all the artist went home only four of us and Mr. Balmukund Choudhary Mr. Thakur's one of the closest friend stayed there back to decide what to do. Without lady artist the play was not possible, both Mr. Thakur and Mr. Choudhary were very worried and asked me what to do. Even I had no answer. Both of them went out of the room for few minutes and came back. Mr. Thakur came to me and said , how can we back out now, only few days are left for the drama festival. Now it has become our prestige, so you will have to do the role. I started laughing, I told them it's not possible, now my husband also started laughing but after few seconds he said," now I am not joking, you will have to do because we don't have any option, I know you can do it". I had no answer so it was decided that I will do the role of that lady artist.

Next day four of us went for the rehearsal. Everyday I use to go for the rehearsal and give my comments later on in the house but that day it was different,I was going as an artist.In the play main character " Nilo" was Mr. Thakur and I was his wife. All the artist were told that now I will be doing kaki's role, that was the character(lady artist) called in the play. The rehearsal started, I was called for the rehearsal,so I went near the stage but I was not able to do the rehearsal.I started laughing instead of delivering the dialogues. All my dialogues were with Mr. Thakur and as I looked at him I couldn't resist my self and laughed and so Mr.Choudhary. So, Mr.Choudhary was told to go out of the hall but even in his absence I was not able to deliver the dialogues because of my laugh. Any how other artists did there parts and we went home. Next day I thought I will not laugh and do the rehearsal seriously but when my turn came for the dialogue I again started laughing. This went on till the last day of the rehearsal. I never did the rehearsal with my husband, only some times he use to listen my dialogues at home. I was not satisfied with my rehearsal but he use to say to the artist don't worry she will do it on the stage," I am confident about her". Now the artist who had gone for his village didn't turn up and sent a message that he will join at Patna, where we had to go for the competition. We were worried but Mr. Thakur said not to be worried about it, if he doesn't turns up my elder son Bhaskar will do his role. So, we left for International Maithli Drama Competition.

We left for Patna, the whole team was excited, my elder son Bhaskar( Puttu) was told to see the dialogue of Sanichra. We reached Patna a day before our show and we had our stage rehearsal that day but Lakshmikant didn't turn up. Now my son Bhaskar was told to do the role of Sanichra.Since morning he had to do the rehearsal and in the afternoon we had our stage rehearsal.

On the show day we had our rehearsal in the hotel once or twice. In the evening Mr. Thakur with his family and all the artist was ready for the show. The show was super hit and Mr. Lallan Prasad Thakur got several prizes including best directors award. I got best character actress award and my son got best child actors award. This was Mr. Thakur's talent, I am lucky enough that I am his his wife and was with him for twenty three years.

मैथिली गीत

2009-06-09T11:49:00.004+05:30

अहाँ हमर के छी ......२
स्वप्नक रानी प्रेम दिवानी
कोयल छी अछि पंचम वाणी
अहाँ हमर ............... ।
नयन अहाँ केर प्यासल प्यासल
काजरि सँ अछि सुन्दर साजल
डूबि कs देखि अथाह समुन्दर
अधलाह जँ ने मानी
अहाँ हमर ............. ।
ठोढक लाली मय केर प्याली
सोरहो बसंतक छी हरियाली
चंद्रमुख ई चमक रहल अछि
चमकय जेना चानी
अहाँ हमर ............ ।
धवल अंग पर कारी साडी
प्रेमक भौँरा अंग निहारी
अंगक रस हम पीबि रहल छी
आँख करय मनमानी
अहाँ हमर ............. ।
प्रणय गीत हम गाबि कहय छी
ह्रदय मे बस अहिं रहय छी
एक भs जाय दिय दुनु केर
बात हमर जँ मानी
अहाँ हमर .......... ।

गीतकार : लल्लन प्रसाद ठाकुर

मैथिली एकांकी

2009-06-02T07:50:00.005+05:30

श्री लल्लन प्रसाद ठाकुर अपन प्रत्येक नाटक सs पहिने बच्चा सब सs एकटा एकांकी करबैत छलाह। ओ एकांकी सेहो ओ अपनहि लिखैत छलाह। इ ओहि एकांकी में सs एकटा अछि।:

ग्रीन रूम

(परदा फुजैत अछि। मेक अप मैन लग भिखमंगाक मेक अप भs रहल अछि। एक कात मे डाँसर डाँस कs रहल छथि । एक दिस आओर कलाकार सब जे मेक अप कs चुकल छथि हुनकर सबहक माय मदत कs रहल छथिन।)

(डाइरेक्टरक प्रवेश....... डाँसर लग। गायक गाबि रहल छथि )

डाँसर - ठुमकी चलत राम चंद्र बाजत पैजनियाँ ठुमकी चलत राम चन्द्र ......
डाइरेक्टर - ओफ्फोह एना नै .....एना करियौ ।
डाँसर - नै हम तs एहिना करब ।
डाइरेक्टर - अरे हम अहाँ के की सिखेने छलौं आ अहाँ ...बिसरी गेलियै सब।
डाँसर - ईह बिसरबै कियाक, मुदा हम ओना नै करब। ओना कतौ डाँस भेलैये ।
डाइरेक्टर - हे भगवान , अरे राजाक दरबारक सीन छै ओई मे एना कोना डाँस करबै।
डांसर - राजाक दरबारक सीन छै तs की भs गेलै , ओई सिनेमा मे नै देखने रहियै जे हेमामालिनी कोना डाँस करैत छलै ।
डाइरेक्टर - ई हेमामालिनीक डाँस नै छै। हम जेना सिखेने रही तहिना करू। आब नाटक शुरू हेतै आ अहाँ उलटा सीधा ...... ।
डाँसर - हमरा अहाँ डाँटैत कियैक छी यौ। मम्मी मम्मी ....देखियोन तs ई हमरा कोना कs डाँटैत छथि।
मम्मी - की भेल बेटी ? कियाक डाँटैत छियै यौ डाइरेक्टर साहेब। कहू तs हमर फूल सनक बेटी एतेक मेहनत सँ अहाँक ड्रामा कs रहल अछि आ.... ।
डाइरेक्टर - हमर ड्रामा कीने ?
मम्मी - और नै तs की। तैं अहाँ डाँटबै।
डाइरेक्टर - ओफ्फोह हम डाँटि कहाँ रहल छियै हम तs दुलार कs कs बुझा रहल छियैन। बौआ...
डाँसर - इह बुझबै छथि, मुदा सुनि लिय हम हेमामालिनी जोकाँ डाँस करब।
डाइरेक्टर - हँ हँ......अवश्य ....जेना मोन हो तेना करू .....होऊ .....करू....।

( मेक अप मैन लग सs भिखमंगाक स्वर )

भिखमंगा - कने हमर मेक अप देख लिय औ डाइरेक्टर साहेब ....

( डाइरेक्टर जा कs मेक अप देखैत छथि )

डाइरेक्टर - वाह वाह बहुत सुन्दर। मुदा केश एना कियैक केने छियैन्ह यो मेक अप मैन।

मेकप मैन - हिनकर भिखमंगा के ने रोल छैन्ह।

डाइरेक्टर - अयँ.....हँ ...हिनकर तs भिखमंगाक रोल छैन्ह। अयँ यौ तs इ राजकुमार बला ड्रेस कियाक पहिरने छी।

भिखमंगा - मम्मी कहलनि अछि इएह पहिरवाक लेल।

डाइरेक्टर - डाइरेक्टर मम्मी छथि कि हम। हम अहाँ के फाटल चिटल कपडा अनबा के लेल कहने रही । उतारू ..उतारू ...।

भिखमंगा - मम्मी....मम्मी...देखियोन इ हमरा फाटल कपडा पहिरय कहैत छथि

भिखमंगाक मम्मी - कियैक यौ ....कियैक कहैत छियै। हमर बेटा फाटल कपडा पहिर कs नाटक करत, की हमरा इ औकात नञ ?
डाइरेक्टर- नै नै ......दरअसल ..ई भिखमंगाक रोल ने कs रहल छथि ...तs तै हिसाबे ड्रेस पहिरs परतैन। तै कहलियैन जे ई उतारि कs फाटल चिटल ....।
भिखमंगाक मम्मी - फाटल चिटल ....कथमपि नै करत। इएह ड्रेस पहिर कs करत ई नाटक। अँय यौ जखैन ई भिखमंगा जकाँ एक्टिंग करतय तs की लोक नै बुझतय जे ई भिखमंगाक रोल कs रहल अछि। करिही तs रौ बौआ कोना कs करबहि।
(भिखमंगा एक्टिंग करैत अछि । )
भिखमंगा - गरीब लाचार के दू टा पाई दs दिय, भगवान अहाँ के भला करता। राजा के रंक बनौता ...रंक के राजा।
भिखमंगाक मम्मी -देखियौ तs केहेन सुन्दर भिखमंगा लगैत छै।
डाइरेक्टर - हाँ..... बड.. सुंदर ......बड सुंदर.....।

( ताधरि दोसर दिस एकटा मुंशी जी चश्मा पहिर कs चलबाक प्रयास करैत खसि परैत अछि आ माँ माँ कहि कानय लागैत छथि )

डाइरेक्टर - ओफ्फोह .....आब हिनका की भेलैन्ह। ( बढ़ि कs देखैत ) अहाँके की भs गेल । कियाक माँ माँ चिचिया रहल छी।
मुंशिक मम्मी - कियाक यौ हमर बेटा की आन्हर अछि जे ओ आन्हर कs रोल करत । ओकरा तs अहाँ मुंशी जीक रोल करबैत रहियै?
डाइरेक्टर - मुंशी जी ...अरे हाँ। मुदा इ चश्मा के आनय कहलक, ......देखू चश्मा।
मुंशी - (चश्मा दैत ) अहीं तs कहने रही ....जे मुंशीक रोल मे चश्मा रहबाक चाही।
डाइरेक्टर - यौ हम तs कहने रही जे कोनो बिना पावरक चश्मा लगेबाक लेल, आ अहाँ जे चश्मा अनलौं अछि ताहि मे तs खाली पावरे पावर अछि। केकरा सs अनलौं इ चश्मा?
मुंशी - बाबा के छैन्ह ।
डाइरेक्टर - बाप रे ई बाबा परबाबाक चश्मा आनब तs आओर की हैत। हटाऊ चश्मा के।
मुंशिक मम्मी (३) - अँ यौ अहाँ अपना के की बुझैत छियै, डाइरेक्टर नय भs गेलौ जे.....हमर बेटा मुंशीक रोल करैत अछि तैं अहाँ ओकरा डँटबय। नै करत ओ ड्रामा नै करत। ड्रामा बिना भूखल नै मरल जा रहल अछि।
डाइरेक्टर - हे भगवान हम कतय फँसि गेलौं। बहिनजी एना तामस ठीक नै आब नाटक शुरू हेबा मे मात्र आधा घंटा रहि गेल अछि। जेना मोन हो करs दियौ , बाबा वाला चाहे परबाबा वाला। जे चश्मा पहिर कs जएबाक मोन हो जाय दियौ हम की कहि सकैत छी आओर।
मुंशिक मम्मी - ठीक छै यैह पहिर कs जहिए रे बौआ। कर अपन रिहर्सल कर।
मुंशी - ठीक छै मम्मी (फेर ओ चश्मा पहिर कs चलैत अछि । दू डेग चलैत अछि आ खसि परैत अछि। )
डाइरेक्टर - (आगू बढैत छथि तs रानी के मुकुट लगौने देखैत छथि ) अहाँ ...अहाँ इ मुकुट ....?ओ ......अहाँके तs रानीक रोल करबाक अछि ।
रानी - हाँ ।
डाइरेक्टर - हे भगवान ...हम बरबाद भs गेलौं ।
यै अहाँक रानिक रोल ......आ एहेन साडी। खूब नीक साडी अनबाक लेल कहने रही ने। देखू तs ...देखू तs...इ अहाँ रानी लागि रहल छी कि नोकरानी ?
रानी - तs हम की करियै .... मम्मी कहलखिन नाटक ताटक के लेल नीक साडी नय देब। सैह अछि तs डाइरेक्टर साहेब के कहबैन जे कीन कs देता।
डाइरेक्टर - कीन कs हम आनि दिय। ठीक छै ....ठीक छै ....जे मोन हुए से करू अहाँ लोकनि । आय तs हमर नाक कटले अछि।
भिखमंगा - हें हें हें हें हें हें ....हम सब नाटक करबै आ डाइरेक्टर साहेब के नाक कट।
डाइरेक्टर - चुप गधा नहि तन ।

(गदा नेने सिपाहिक प्रवेश )

सिपाही - हेयै गदा।

डाइरेक्टर - गदा ! इ गदा .....इ गदा की हेतै तों ई गदा कियैक अनलैं। हम तs बाँसक तरुआरि आनय कहने रहियौ।
सिपाही - आब की तरुआरिक ज़माना छै ? ज़माना छै गदाक ......देखलियै नै रामायण मे हनुमान जी केहेन गदा सs मारि मारि क भुट्टम भुस्स कs देलखिन।
डाइरेक्टर - राजाक सिपाही ....आ इ गदा ..वाह रे डाइरेक्टर आइ अहाँक डाइरेक्टरी कमाल कs देत। वाह ....खैर ....इ राजा कतs छथि?
सिपाही - राजा ...के राजा ?
डाइरेक्टर - अरे वैह रमेश जे राजाक रोल करताह।
रानी - ओ तs बाथरूम गेल छथि।
डाइरेक्टर - ओ एतs नाटक करय एलाह अछि कि बाथरूम जाय लेल ?
मुंशी - ओ तs तखैन सs चारि बेर गेलाह अछि बाथरूम।
डाइरेक्टर - चारि बेर ?
भिखमंगा - आर नय तs की। जाई छथि अबै छथि.....हौआ देखियौन आबि गेला राजा साहेब।
( राजा के एकटा तौलिया लपेटने प्रवेश )
डाइरेक्टर - अहाँ ...अहाँ एतs नाटक करय एलौं अछि कि बाथरूम जाय लेल ?
राजा - बाथरूम
डाइरेक्टर - की ?
राजा - हमर पेट ख़राब भs गेल ।
डाइरेक्टर - हे भगवान आब की करी हम। यौ पेट ख़राब भs गेल छल तs कोनो दबाई तबाइ कियैक नै खा कs एलौं?
राजा - घर मे थोरे ख़राब भेल छल। जखने पाठ मोन पारय लागैत छी कि शंका होवय लागैत अछि। हमरा तs बड डर लागैत अछि।
डाइरेक्टर - नय नय डरबाक कोनो काज नय । हम छी नय ....डर के हटा दिय मोन सs तs देखू जे किछु नै हैत । आँय ठीक नय।
राजा --ठीक छै । आब सभ एमहर आऊ ...देखू सभ के अपन अपन पाठ मोन अछि कि नै।
सभ संगे - हाँ मोन अछि।
डाइरेक्टर - ठीक आब हम सभ एक बेर बढियां सs रिहर्सल करब। अखैन आधा घंटा समय छै नाटक शुरू हेबा मे।

( डाइरेक्टर कुर्सी तुरसी लगाबैत छथि )

डाइरेक्टर - हाँ आब शुरू भs जाऊ । अपन अपन जगह लिय। राजा अहाँ ओम्हर सs एबय आ रानी अहाँ एम्हर सs । सिपाही अहाँ एतय ठाढ़ रहू । OK..... ready .......start....।
सिपाही - होशियार खबरदार .....महाराज पधारि रहल छथि ।
(राजा तौलिया लपेटने आ एक हाथ सs तौलिया के पकड़ने अबैत छथि। )
राजा - हमर ...हमर ....मुकुट की भेल ?
डाइरेक्टर - ओफ्फोह ....अरे मुकुट बाद मे ताकब पहिने रिहर्सल जल्दी सs कs लिय। फेर अहाँक पूरा मेक अप बाँचले अछि। ओ हाथ हटाऊ तौलिया पर सs ........हटाऊ नै।
राजा - नै हटायब ...तौलिया जओं कहीं खसि परल तs।
डाइरेक्टर - ओफ्फोह हे भगवान। ......OK....OK.... चलु फेर सs आऊ।
सिपाही - होशियार ...........
(राजा आबि कs कुर्सी पर बैसैत छथि )
सिपाही - होशियार खबरदार ...महारानी पधारि रहल छथि ।
( रानी आबि कs दोसर कुर्सी पर बैसैत छथि। )
राजा - रानी आय अहाँ बड सुन्नरि लागि रहल छी।
रानी - महाराज आय अहुँ बड सुन्नरि लागि रहल छी।
( राजा बेचारा तौलिया सम्हारय मे लागल छथि )
भिखमंगाक मम्मी - करहि नै बौआ तों अपन पाठ । जो ....
मुंशिक मम्मी - ईह पहिने हमर बौआ करतय तखैन अहाँक बौआ । जो करही ने....
डाइरेक्टर - ओफ्फोह अहाँ सब तs चुप्प रहू । बहिन जी सब, माता जी सब ...कृपा कैल जाओ ....अहाँ सब कने काल। ओम्हर स्थिर सs बैसू।
भिखमंगाक मम्मी - कियैक यौ ...ओम्हर कियैक बैसू ...हमर बौआ नाटक करत आ हम सब ओतय बैसू। हम तs संगे रहबै।
डाइरेक्टर - की ?
मुंशिक मम्मी - हाँ हमहूँ अपन बौआक सँग रहबै।
डाइरेक्टर - हे भगवान ...इ नाटक भs रहल अछि कि .......आइ हमरा जूता चप्पल परबे करत। बेस आब जे हो। ठीक छै ....ठीक छै.....होऊ रिहर्सल करय जाऊ। हाँ तs किनकर पाठ छै।

(सब चुप्प )

हम पुछय छी जे किनकर पाठ छैन्ह।
( फेर स्क्रिप्ट निकालि कs देखैत छथि।)
राजा अहाँ के बजबाक छल।
राजा - हमरा...?.... हाँ.....हाँ....
डाइरेक्टर - त बाजू नै । चुप्प किया छी।
राजा -( याद करैत ).......बाथरूम.......बाथरूम
डाइरेक्टर - चुप्प ......बाजू अपन पाठ।
राजा - हाँ ...हाँ ...राज नर्तकी ......रानी के नृत्य करबाक आदेश दिय।
डाइरेक्टर - की ? Oh my God....आब हम की करी ? अरे अहाँक की डायलोग अछि आ अहाँ की बाजि रहल छी?
राजा - हम फेर सs बाजैत छी।
रानी राज नर्तकी के ......बाथरूम......
डाइरेक्टर - ओफ्फोह हम बर्वाद भs गेलौं ....ठीक छै ....ठीक छै....रानी अहाँ अपन पाठ बाजू।
रानी - राज नर्तकी नृत्य आरम्भ करू ।
(जहिना नृत्य शुरू होयेत छै, भिखमंगाक प्रवेश )
भिखमंगा - गरीब के......
राजा ........
मंत्री - इ.......इ..... भिखमंगा दरबार मे कतय सs आबि गेलै ......हम पुछै छी इ भिखमंगा दरबार मे कतय सs आबि गेलै।
(एक तरफ सs कतय सs आबि गेलै...........2 )
मंत्री - भिखमंगा तों कतय सs आबि गेलैं।
भिखमंगा - सरकार कलकत्ता सs ।
रानी - की ...? कलकत्ता सs। .....महाराज इ भिखमंगा हमर नैहर सs माने कि अहाँक सासुर सs आयल अछि।
महाराज - भिखमंगा जी अहाँ कि हमर सासुर के छी।
मंत्री - महाराज इ अहाँक सासुर आ नैहर करबाक जगह नै छै । इ अहाँक दरबार छी। भिखमंगा तों कलकत्ता सs एहि ठाम कोना कs एलाँ।
भिखमंगा - टिरेन सs सरकार ...टिरेन सs ।
मंत्री - ट्रेन के टिकट कटेबाक पाई कतs सs एलौ।
भिखमंगा - टिकस किया लेबै सरकार ......हम तs विदाउट टिकस अयलहुं।
राजा - विदाउट टिकट ....? तोहर मजिस्ट्रेट चेकिंग नै भेलौ ।
भिखमंगा - भेलै कि सरकार ...खूब भेलै । मजिस्ट्रेट पुछ्लकै तs हम कहि देलियै हम महाराज के भिखमंगा छी।
मंत्री - की..........? महाराज के भिखमंगा .....महाराज इ भिखमंगा अहाँक नाम लs कs घोर जुलुम केलक अछि। एकरा कठोर सs कठोर सजा भेटबाक चाही।
राजा - हाँ इ तs घोर जुल्म छै।
रानी - कि घोर जुल्म महाराज इ भिखमंगा हमर नैहर के अछि। इ अहाँक नाम कहिये देलक तs की भs गेलै। मुदा हे भिखमंगा जी ..तोरा कहये के छलौ तs कहितैं हम महाराज के सार छी।
भिखमंगा - आगू सs इयैह कहबै सरकार।
मंत्री - की ....? तो अपना के महाराजक सार कहबही।
भिखमंगा - ईह ...एना थोरे कहबै , कहबै ....गरीब लाचार .....इ महाराज के सार के दू पाइ दs दिय।
मंत्री - घोर जुलुम ....घोर जुलुम....महाराज इ नीच भिखमंगा के सजा अवश्य भेटबाक चाही।
राजा - ठीक छौ ...... भिखमंगा तोरा सजा देल जाइत छौ जे तों छौ मास तक भीख नै माँगि सकैत छें।(ताबैत......बाथरूम....बाथरूम )
डाइरेक्टर - चुप्प फेर बाथरूम।
राजा - नै नै ताबैत तोरा राजभवन सs भोजन आ वस्त्र भेटैत रहतौ।
भिखमंगा - एहेन जुलुम नै करियौ सरकार। यदि हम भीख नै मांगब तs खेबय कतय सs। पेट कोना चलत।
रानी - हाँ ..महाराज....यदि इ भीख नै मांगत तs खायत कतै सs ।
महाराज - हाँ से तs ठीके ..यदि भीख नै मांगत तs खायत कतै सs .....2।
(सब एक तरफ सs खायत कतै सs ......2?
( व्यवस्थापक मे स एक व्यक्तिक जलपान लेने प्रवेश )
व्यक्ति - लिय यौ डाइरेक्टर साहेब कलाकार सब के लेल जलपान।
डाइरेक्टर - ठीक छय ऊपर टेबुल पर राखि दियौ ।
(सब कलाकार जलपान दिस बढैत छथि )

एखैन नञ एखैन नञ ....पहिने रिहर्सल फेर जलपान...चलु चलु सब कियो.....हाँ तs हम सब कतय छलौं ....हाँ भिखमंगा के बाजै के छलै ...बाजु भिखमंगा।
भिखमंगा - बाबू ....बाबू...भूख लागल अछि ।
बाबू - जो जा कs खा ले ।
डाइरेक्टर - भाई साहेब इ की कs रहल छी।
बाबुजी - औ जी डाइरेक्टर साहेब हमर बच्चा के भूख लागल छै तs खायत नञ। भूखे पेट अहाँक नाटक कोना करत। (अपने निकालि कs दैत )
खाऊ लिय खाऊ ...भर पेट खाऊ बहुत नाटक करबाक अछि।
डाइरेक्टर - हे भगवान आब हम आत्महत्या कs लेब।
जाऊ अहुँ सब जाऊ।
(सब कलाकार दौड़ति अछि। राजा के डाइरेक्टर पकरि लैत छथि )
डाइरेक्टर - अहाँ कतs। तखैन सs बाथरूम बाथरूम आ आब....?
राजा - हमरा भूख लागल अछि।

लेखक : लल्लन प्रसाद ठाकुर

साली को एक पत्र

2009-05-24T21:07:00.008+05:30

एक बार मेरे भाई बहनों ने हमें होली में आने का निमंत्रण दिया और मजाक मे मेरी बहन बिन्नी और भाई पप्पू ने उस निमंत्रण पत्र में कुछ सामानों का लिस्ट देकर लिख दिया, आते समय यह सामान लेते आइयेगा। उस निमंत्रण पत्र का जवाब मेरे पति "श्री लल्लन प्रसाद ठाकुर" ने कविता द्वारा दी। :

अरे भाई मैं तो धन्य हुआ,
पर ये सामान की लम्बी लिस्ट,
कपडे, तकिया, मछरदानी ,
सूजी, मैदा, आटा और साथ मे चीनी,
सोच सोच कर सन्न हुआ।
ससुर बुलाएं हम ना आयें
सास खिलाएं हम ना खाएं
साली जी होली में बुलाएं,
कहो भला, ऐसी होली हम न मनाएँ।
प्रिय ,
हम किसी कोने में स्थान ग्रहण कर लेंगें ।
जरूरी नहीं कि आप हमें सजा सजाया सेज दें ,
पर सामान की लम्बी लिस्ट के लिए,
पैसे तो कृपया भेज दें।
पैसे भेज दें, तार या मनि आर्डर से,
अरे साली जी, इतना तो हम वापस कर ही देंगे ,
सिर्फ़ आपके एक किस से।
(If you agree)

Film Festival

2009-05-23T20:57:00.027+05:30

From January 15th to January 19th in 1990 a "Prakash Jha Film Festival"was organized by Mr. Lallan Prasad Thakur in Jamshedpur. A state level work shop was part of that "Film Festival" and was conducted by Mr. Prakash Jha him self and a professor of Pune Film Institute Mrs. Gayatri Chatterji.

Prakash Jha and Lallan Prasad Thakur

Prakash Jha and Lallan Pd. Thakur

Lallan Prasad Thakur and Rusi Modi

Rusi Modi(Then Managing Director & Chairman Tata Steel)Prakash Jha &;Lallan Pd. Thakur

Rusi Modi

Prakash Jha

Lallan Prasad Thakur Prakash Jha Bhaskar &;Kusum Thakur

LPT & KT With Prakash Jha and Ajit Jha

Inauguration Of Film Festival

Mr. Prakash Jha On Camera

Mr. Prakash Jha during Workshop on Films and Television

Mr. Prakash Jha With Camera During Work Shop

Mr. B.m.Choudhary Mr. Vandrevalla Mrs. Daisy Irani Mrs Gayatri Chatterji & Mr. Prakash Jha

Mr. Lallan Prasad Thakur

Mr. Vandrevalla

Mrs. Daisy I rani

Mrs. Gayatri Chatterji

Mr. Prakash Jha

Distribution Of Certificates To Participants

BMC Puttu Prakash Ji LPT In Agrico House

Prakash Jha Lallan Prasad Thakur with Mithilakshar Members In Front Of My House

लौंगिया मिरचाइ

2009-05-19T12:12:00.038+05:30

मैथिली गीत

2009-05-16T23:21:00.006+05:30

मैथिली गीत

हे रे चन्दा लेने जो सनेस पिया परदेश रे..........चन्दा....।
तोहें ने उगै छ आन्हर राति
बिसरल रहै छी पिया केर पाँती
तोंहे जाँ उगै छ दीया बाती दीया बाती
होइये मोन मे कलेश रे ...........चन्दा...... ।

हम्मर दुःख केयो ने बुझैया
कोना ओ रहै छथि केयो ने कहैया
कहियौन्ह विकल छैन्ह हुनकर दासी हुनकर दासी
रुसल किए छथि महेश रे ...........चन्दा....... ।

-लल्लन प्रसाद ठाकुर-

मैथिली गीत

2009-05-15T22:25:00.008+05:30

मैथिली गीत

मोन ने लागय अहाँ बिना,
चैन न आबय निश दिना,
मोन ने लागय ............... ।

बीतल दिन सब मोन परैया
रही रही कs हिय चिहुँकी उठैया,
सपना छल जे टूटि गेल अछि,
बिसरब हम कोना ........
मोन ने लागय .......... ।

घनघोर घटा छायल छल नभ मे,
पायल छल अहाँ पग मे,
छम छम छम छम बाजी रहल छल,
थिरकय मोर जेना,
मोन ने लागय................. ।

जीवन हम बितायब सँग सँग,
वचन अहाँ स लेने रही हम,
बैरी जग के नीक ने लगलय,
पनिसोखी के मेघ जेना,
मोन ने लागय अहाँ ........... ।

-लल्लन प्रसाद ठाकुर-

हिन्दी ग़ज़ल

2009-05-02T00:51:00.010+05:30

ग़ज़ल

आज ज़िन्दगी का ऐसा एक दिन है,
बदन मेरे पास है सामने मेरा दिल है।
आज ज़िन्दगी ........ ।

मुद्दतों से सोचा था काश ऐसा दिन आये,
वो भी आये सामने साथ मेरा दिल लाये।
आज ज़िन्दगी ......... ।

शुक्रिया करुँ कैसे समझ नहीं आता,
ऐसी कहि गैर का कोई दिल है चुराता।
आज ज़िन्दगी ......... ।

दिल लुटा के मुझ जैसा सज़ा सिर्फ़ पाता,
कत्ल भी करें गर वो माफ़ हो जाता।
आज ज़िन्दगी ........... ।

-लल्लन प्रसाद ठाकुर-

हिन्दी ग़ज़ल

2009-05-01T09:06:00.005+05:30

ग़ज़ल

सब सपना बन के मिले, कोई अपना बन के मिले ।

सुख जब साथी होता है,
लाख सहारे मिलते हैं,
फूलों की फुलवारी में,
फूल हमेशा खिलते हैं,
विरानो के आँगन में ,
बरसों में एक फूल खिले।

सब सपना बनके मिले कोई अपना बन के मिले।

सुख की उजली राहों पर,
हर राही चल सकता है,
घर की चारदीवारी में,
हर दीपक जल सकता है,
गम की तेज़ हवाओं में,
कोई कोई दीप जले।

सब सपना बन के मिले कोई अपना बन के मिले।

आबादी में चैन कहाँ,
ऐ दिल चल तनहाई में,
शायद मोती हासिल हो,
सागर की गहराई में,
अपना कोई मीत नहीं,
धरती पर आकाश तले।

सब सपना बन के मिले, कोई अपना बन के मिले।

गीतकार : लल्लन प्रसाद ठाकुर
संगीतकार लल्लन प्रसाद ठाकुर

लोरी (दूनू बेटा के लेल)

2009-05-01T00:16:00.007+05:30

लोरी

तोरे लेल अनलहुँ हाथी घोड़ा ,

कनिया पुतराक जोड़ा ,
हमर बौआ, हमर बेटा,
बेटा दुलरुआ.... ।

चम चम चम चम, छम छम छम छम,
एतय निनियाँ रानी,
कोरा मे लs कs झुला झुलौतै,
चानक भरल जुआनी।
तोरे लेल अनलहुँ चान सन मामा,
नभ केर सबटा तारा,
हे रे बौआ, हे रे बेटा, बेटा दुलरुआ .....।

खट खट खट खट लाठी लs क s
एथिन्ह बुढ़िया नानी ,
नानीक कोरा मे, बैसि कs सुनतै,
रामक अमर कहानी।
तोरे लेल अनलहुँ सीता मैया,
राम लखन सन जोड़ा,
हे रे बौआ हे रे बेटा, बेटा दुलरुआ.... ।

पढ़तय लिखतय बढ़तय उड़तय,
उड़य छय जेना आँधी ,
देशक नाम खूब बढौतय,
बनतय नेहरू गांधी।
तोरे लेल अनलहुँ तिरंगा झंडा,
माँ भारत केर नक्शा,
हे रे बौआ हमर बेटा बेटा दुलरुआ..... ।

-लल्लन प्रसाद ठाकुर-

Ek Kavita

2009-04-30T22:55:00.004+05:30

Maithili Books Of Lallan Prasad Thakur

2009-04-26T21:06:00.006+05:30

घटकैती (पहिल कड़ी)

2009-04-06T12:22:00.001+05:30

"श्री लल्लन प्रसाद ठाकुर" रचित कव्वाली जे कि तीन श्रृंखला में छैक, आ गीत नाटिका के रूप में प्रस्तुत कायल जा सकैत अछि :

1-ghatakaiti (घटकैती)
2-sabhagachhi(सभागाछी)
3-sadhunama(साढूनामा)

घटकैती :

एक व्यक्ति अपन बेटा के लs कs सौराठ सभा जायत छथि। ओ घटकैती कोना करैत छथि से अहि गीत नाटिका में छैक। :

घटकैती

घटक- पॉँच हजार
पिता - नय।
घटक - दस हजार
पिता - नय नय।
घटक - बीस हजार
पिता - कनि आगू बढू।
घटक - पचीस हजार
पिता -हाँ ........
पिता - अपने एलियै तकरे विचारि कs
पच्चिसे पर हम कहलहुं हाँ,
हमरा बौआ सन क्यो नय मिथिला में
दियो लs कs ताकब जं।
मैट्रिक पढ़लकय, आई ए केलकय,
सोँचलों विवाह कs दियै त।
ससुर पढोथिन, नोकरी दिओथिन
बेटी सs अपन स्नेह हेतैन्ह जओं,
पच्चिसे पर तैं कहलौं हाँ ।

घटक - आगू पढेबय नोकरी दिएबय,
हमरे ऊपर में भार हेतय जं।
अपने की केलियय,
कोन बाघ मारलियय,
बौआ के सिर्फ़ जन्मेला सs।
एतेक टका के मांग करयछी,
सोचियो कने तs अपने सs।
माथ में दर्द कोनाक होइछय,
बुझतीये होइत बेटी जं।,
मानि जइयो कने कम्मे सं........।
पॉँच हजार ................................2

पिता - हम की केलियय,
कोन खर्च केलियय,
तकर हिसाब देखबय जं।
हॉस्पिटलक खर्चा दूधक पाई,
मास्टर स्कूल के दिलियय जे।
लमनचूस किताब आ कोपी,
हजार हजार के किनलौं जे।
आ बौआ के माय के कष्ट जे भेलैंह,
तकर हिसाब करतय के ।
पच्चिसे पर हम कहलों हाँ ..............२
घटक - अपने महान अर्थशास्त्रक विद्वान,
सबटा हिसाब जोड़ने छी।
हमर सलाह मानि लिय,
आब जे हम कहय छी।
अपनहूँ माय के कष्ट भेल हेतैन्ह,
अपनहूँ के जनमेवा में।
तकरो हिसाब जोड़ी लिय,
बेटा के सूली चढेबा में।
गप्प बेकार , जी सरकार,
हमरा बूते नय लागत पार,
अपने के बडका व्यापार,
हम चलैत छी नमस्कार....नमस्कार ......... ।

गीतकार : लल्लन प्रसाद ठाकुर
संगीतकार : लल्लन प्रसाद ठाकुर

सभागाछी सौराठ (कव्वाली, दोसर कड़ी)

2009-04-06T12:20:00.009+05:30

एकटा बsरक बाप सब साल अपन बेटा के लs कs सौराठ सभा जायत छथि मुदा ओहिना आपस भs जायत छथि।विवाह नहि भs पबैत छैन्ह।बsर के इ नीक नय लागैत छैन्ह। इ ओहि बरक व्यथा छैन्ह। :

सभागाछी सौराठ

बsर - आ ...आ...आ...
चारिम बरख थिक जे आपस जायब ,
जायब जं आपस त फेर नय आयब
सुनि लिय बाबू यो सुन लिय भैया ,
जतबो भेटैया नय भेटत रुपैया
मुदा हमरे ....तs हमरे करम कियाक एहेन भs गेल ......२

सब - चारि बेर एला बियाहे नय भेल .........2
पिता - आ ....आ....आ....अगुताउ जुनि,घबराऊ जुनि
अगुताउ जुनि घबराऊ जुनि हेबे करत ,
क्यो नय क्यो माल देबे करत ....2
बौआ एकरे कहे छय कर्मक खेल,
कहेनो ठाम कोना दिय ढकेल,
अगुताउ जुनि ......................................माल देबे करत....
सहयोगी - मुदा हिनके .......मुदा हिनके करम .....बियाहे नय भेल.....२
बsर - कोना नय अगुताइ अहिं सब कहू,
तिसम बरख वयस अछि, आब कते दिन असगर रहू ।
चतुर्थिक सौजन स्वप्न बनल जाइत अछि ,
छप्पन तरहक व्यंजन कोना लोक खाइत अछि,
बाबू अहांक गप्प आब नय सोहाइत अछि ,
हाय रे हमर करम नय जानि कतs ओ बौआयति अछि।
सहयोगी- मुदा हिनके ...............बियाहे नय भेल ..........२
बsर - कहलियै करम के रे कहने तो आन,
आंखि से आन्हर हो कि बहिर हो कान,
कहेनो तो देबैं सब अछि कबूल,
पैर सs नांगुर हो वा हो कोनो लूल,
मुदा हमरे ........................................ बियाहे नय भेल......१
सहयोगी- मुदा हिनके ........................बियाहे नय भेल.......२
पिता - एतेक जे अगुतायल छी जे आन्हर बहिर,
जेहेन तहेन कनियाँ चाहैत छी,
जीबैत जीबैत जाँ नर्क भोगs चाहैत छी,
तs उढ़डि जाउ ककरो संग,
हमरा किछु नय कहू,
बुझि लिय जे बाप मरि गेला,माय मरि गेली
ओकरे संग कतौ जा कs रहू ..............
सहयोगी - मुदा हिनके ...............बियाहे नय भेल-.....२
पिता - आ.........आ.......आ..........
हमारा सs पैघ शुभ चिन्तक के भs सकैत अछि
जे टाकाक संग -संग नीक लोक नीक घsर तकैत अछि
आ.....आ....ससुर एहेन जे खूब मालदार हो,
कोनो छोट मोट थानाक हवालदार हो।
एक अदद मात्र दुलरुआ सार हो,
सुंदर सुंदर सारिक जतय भरमार हो .....
सहयोगी- मुदा हिनके ...............................बियाहे नय भेल......२
बsर - मुदा हमरे .......................................बियाहे नय भेल ......२
पिता - सासु अहांक चलवा फिरवा में लाचार हो,
अहींक कनियाँक हाथ में घरक सब कारोबार हो,
कहैत छियैन्ह भगवान् के जल्दी पठा दिय,
जेकरा लग रुपैया पचास हजार हो ....
बsर - आ....आ....बाप हमर खुश होथि
आ ...स्वप्न हमर साकार हो
मुदा हमरे ....................................................बियाहे नय भेल ...२
सहयोगी - मुद्दा हिनके ..................................बियाहे नय भेल....२
(एक घटकक प्रवेश )

बsर - बाबू..... बाबू...कियो आबि रहल अछि,
बचि कs ई जा नय पाबय
सभा सेहो आब उठि रहल अछि,
आबि रहल अछि....बाबू.... ... आबि रहल अछि।
पिता - चोप ...चोप गधा चोप ....
घटक - नमस्कार
पिता - चोप
घटक - की?
पिता - नमस्कार
घटक - हे हे हे हे नमस्कार ......नमस्कार
की पढ़ल छी ?
पिता - ABCD
घटक - की करय छी ?
बsर - EFGH
घटक - हूँ ....हूँ....कतेक टाका...?
पिता - पचास हजार .....
घटक - बाप रे बाप ......बहुत महग अछि .....
बहुत महग अछि .......बाप रे बाप ...बाप रे बाप ...(प्रस्थान )
बsर - इहो चलि गेल .....सभा उठी गेल ....
प्राण पर हमर बनल बाबू ......अहांक लेल खेल ....
सहयोगी - इहो चलि गेल .....सभा उठि गेल,
प्राण पर हिनक बनल अहांक लेल खेल ...
इहो चलि गेल .....
पिता - चोप ...चोप....गधा चोप ......
बsर - तमसाउ जुनि,.... खिसाउ जुनि ...
तमसाउ जुनि , खिसिआउ जुनि बाप हमर .....
क्यो नय फंसैया की ई दोख हमर.....२
कनियाँ ............हे ये कनियाँ कतय छी हमर हुजूर ....
लोक तकैत अछि बsर के हम तकय छी ससुर ...
सहयोगी - कनियाँ...हे यै कनियाँ कत छी हमर हजूर
लोक तकैत अछि बsर के ई तकै छथि ससुर ....ई तकै छथि ससुर .... ।

गीतकार : लल्लन प्रसाद ठाकुर
संगीतकार : लल्लन प्रसाद ठाकुर ठाकुर

साढूनामा (कव्वाली, तेसर कड़ी )

2009-04-06T12:05:00.001+05:30

कैयक साल सौराठ सभा गेलाक बाद बsरक विवाह भs जायत छैन्ह, आ ओकर बाद होली में हुनक साढू सब सेहो पहुँचति छथि। होली में सब साढूक जुटान होइत छैक। विवाहक बादक साढूक व्यथा :

साढूनामा

सासुर थिक कैलाशे ........दूर हो कि पासे ,
सारि सारक गप्प कोन सास ससुर दासम दासे।
तs अहीं कियाक अघुतायल छी यौ साढू ,
एखैन्ह तs भेल एके मासे।

बहुत जतन सs होइत छैक विवाह मनुख के,
सुखक आरम्भ आ अंत दुःख के।
आ...भक्तक लेल जेना मन्दिर -मस्जिद गुरुद्वारा,
मैथिलक लेल मोहिनी मुरतिया संs सुशोभित ससुर द्वारा।

तs प्रेमक व्यापार करू,
छप्पन तरहक व्यंजन मुफ्तहिं उदरस्थ करू।
लगैत नहिं छैक कोहबर घरक कोनो भाड़ा,
संठी सन जे अबैत छथि, मोटा कs मोटा कs भs जायत छथि पाड़ा।
तs अहीं कियैक अघुतायल छी .......................एके मासे।

नय गाम परहक झंझट , नय बाबू के फटकार ,
बाबू खुश भेला लय हजारक हजार। ........2
जिन्दगी में आयल बहारे बहार,
चान सनक सारि आ फूल सनक सार।

स्वर्णिम अक्षर संs लिखायत ऑ चातुर्थिक राति,
जखन नॉन देल भोजन पर सोन सन मुखराक दर्शन भेल छल।
मोन में इ झंकार भेल छल आ ह्रदय में ई गर्जन भेल छल।
की गर्जन भेल छल ?

हमरा तs लूटि लिया मिलके हुस्न वालों ने,
गोरे गोरे गालों ने, काले काले बालों ने।

हम छोरि चलल छी सासुर के, हमरा कथि लेल रोकय छी।
मुश्किल सs कतेक जतरा कयलहुं, पाछू सs कथि लेल टोकय छी।

नय चान सनक सारि, नय सार गुलाबक फूल,
विवाह जे कs लेलहुँ, से भेल भारी भूल।
नय छप्पन तरहक भोजन, ससुर के लाचारी,
यौ डेढ़ आंखि वाली सासु गाबथी नचारी।
यौ कठ्खोधी सन मुँह वाली हमर घरवाली,
सड़क पर जोँ चलती तs कहतैन मदारी। बच्चों बजाओ ताली ....२
नय चतुर्थिक राति नय होली नय बरसाति,
यौ कर्मक लिखल कहल गेल छय सुआति।
जिन्दगी संs साढू हम मानि गेलौं हारी,
गेलौं नेपाल सँग गेलय कपार ।

पहिने सs अधिक दुखी छी हम,
छूरा कथि लेल भोंकय छी।
हम छोरि चलल छी सासुर के .................पाछू सs कथि लेल टोके छी........ ।

गीतकार : लल्लन प्रसाद ठाकुर
संगीतकार : लल्लन प्रसाद ठाकुर

Encouragement Of My Talent

2009-04-05T22:45:00.001+05:30

If ever I do any of my artwork ....or even think about it , LPT is always there in my mind , who always encouraged me and supported my talent of painting or creativity !!!
He used to say that this is your inborn talent ..don't let it go in vein !!!

I was very small ...when I used to just scribble , not so called art ....just merely make someone's face ...and stick that on the wall or show to LPT !!! He would certainly appreciate !!! And that used to be my WOW moment !!! Would ask so many questions , and even give me ideas .
He used to tell me that ...Binny I know you are good artist, but if you can make Vidyapati's portrait would be very nice .And he helped me in finding the right picture of Vidyapati .
So I made Vidyapati's portrait during my summer vacation , thinking in my mind that I would gift to LPT , and I did . Just after couple of days later there was an announcement in the newspaper about ALL BIHAR OPEN ARTIST EXHIBITION .....and criteria of participation was original artwork and Three paintings within 15 days to be sumitted to Sri krishna Scince centre .I was excited but overwhelmed ...how would it be possible in 15 days ???
And I got a call from him that Binny I hope you are going to participate , you must....its not necessary that everyone wins but you will learn a lot ??? My couple of paintings were ready to go ...but I myself was intrested in sending Vidyapati's portrait as well .So asked him if I can borrow that .

He said cerianly , but if you will win ....you will make one more for me and ONE YEAR OF YOUR PAINTING SUPPLIES WOULD BE FREE FROM MY SIDE !!!
There was no decisions on the Painting competition so all my paintings are still with Bihar Govt , but I regret that I couldn't return my painting back to him , I borrowed .....so making one again to give to Didi for him......

Making Of A Video Film By Lallan Prasad Thakur

2009-04-05T21:48:00.001+05:30

Pune

Mr. Lallan Prasad Thakur's first Maithili play in Jamshedpur was Badka Saheb( big officer). This was the only play which he did not do in the banner of Mithilakshar, an organization formed by him. This play was staged twice in his direction in Jamshedpur.

Mr. Thakur joined Tata Steel on 20th September 1977, and he joined an organization called Mithila Sanskritik Parishad in Jamshedpur. Its Mahila Shakha, a women wing was formed and few months after the formation of Mahila Shakha some of the members of Mithila Sanskritik Parishad approached and requested Mr.Thakur to stage a play for Mahila Shakha. He had just completed the script of Badka Saheb, so he excepted the invitation. I use to go with him in the rehearsal everyday.

The rehearsal started, this was my younger son's first play as an child artist. I remember every day there use to be some problem. The major problem was lady artist but that was solved. I have seen several drama created by the organizers during the rehearsal of this play. Any how, the play was very successfully staged but Mr. Thakur had such a bitter experience that he decided not do any play for any organization. But at the same time he wanted to do Maithili play also.

Before Badka Saheb he had done several safety dramas for TISCO which was in Hindi. For Maithili he had no option, so with a group of artists he formed an organization called Mithlakshar(Natya Ewam Sangeet Sanstha) . The only criteria for the membership was, person should be interested either in drama or music. He or she had played drama or had performed on stage was not necessary. There was no membership fees, only interested person were the member of Mithilakshar.

After joining Mithlila Sanskritik Parishad Mr. Thakur came close to a very nice and gentle person Mr. Balmukund Choudhary, who later on became his one of the closest friend. After formation of Mithilakshar he suported Mr. Thakur a lot in management etc. Even sometimes he had to act in the play. He is a tabla artist but only Mr.Thakur could make him act in a play. Some times he had to play tabla and he was always kept as a stand bye artist like me.

"Aadi Wa Ant"( beginning or end) is Mr. Lallan Prasad Thakur's last script of a play. This play was staged in Jamshedpur's Ravindra Bhavan and it was as usual very successful play and liked by the audience. After" Aadi Wa Ant" was staged Mr. Thakur wanted to do an experiment by making a video film. When he told me this idea I told him "how can you do this you don't have any experience about film making, you don't have any resources, even camera man you don't know who will work for you without money".He smiled and said, "wait I will do with the resources I have" and he started working on for the video film. He had to change some scenes and dialogues too. Most of the artist were the same, those who had acted in the play.

Loyola( B.Ed) College had two technician who use to shoot for their educational program. So Mr. Thakur approached them and they gladly accepted the offer but they said they don't know how to shoot a video film, they only shoot for the college and they had only one camera. Mr. Thakur with his blind supporter Mr. Choudhary convinced them and told them not to worry about it, he will direct them every thing and with one camera every thing will be done. The musician and makeup man were the same person who use to be with him in his plays. That time he had not seen a single shooting, the experience of film was zero and he was going to shoot a video film. He was in a leading role and he had to see every thing including direction and music direction.

The shooting was done on four five locations but the main shooting was done in one of our friends bungalow and the first scene started with bhratridwitiya (a festival of brothers and sisters). In the scene sister gives sweet to his brother in his mouth and the brother eats it, it is a custom of this festival. Since it was the first scene so it had lots of take, retake and the brother had to eat lots of sweets.

There were lots of events during the shooting which can be described but I am going to describe only few today. Mr.Thakur use to direct the camera man at what angle he needed the camera. In a scene Mr. Thakur had some important dialogues, so before going for his shot he explained the camera man and his assistant and went. During the shot the camera had to move but the camera man was not doing that and standing at a place and shooting. Mr. Thakur noticed that and during his dialogue delivery he started turning round his pointer finger. I was just behind the camera, I noticed it and immediately told the cameraman and he cached it. It was done in such a manner that no one can catch the movement of the finger. It looks like action needed for that scene.

There is a folk dance in that video film and before it starts there is an announcement coming in a news channel. Someone had to read that news so Mr. Choudhary was the news reader in that film and he had to read the news. For this shooting a hall was booked in an auditorium. The dancers, musicians, singers all were ready, Mr. Thakur use to sing also and he has written several songs, including the folk song which was in this video film. So after settling everything he sat with the singers and musicians. The news scene was the starting of the shots. So, the shot started with Mr. Choudhary, the news reader. When the shot was ready Mr. choudhary was called, every one was silent but as Mr. Choudhary entered for the shot and I saw him I started laughing and with me every one started laughing. Oh my god, he had to come in suit, for that he had gone to the dressing room but when he came he was wearing pyjama and coat with tie, he was looking so funny that all of us including Mr. Thakur and Mr. Choudhary himself laughed. Off course only the upper(coat) portion was coming in that scene. So after few minutes Mr. Thakur told everyone to be silent and the shot was taken. Even now while watching the movie, when I see that scene I laugh.

The last shot was taken in Jublee Park and that was for casting. This way the video film was made. Mr.Thakur himself did the editing of the film. Casting was also done by him. Now I have converted this film in DVD.

A Talent Whom I Miss

2009-04-05T21:38:00.002+05:30

लल्लन प्रसाद ठाकुर

2009-04-05T21:15:00.002+05:30

किछु पाठकगणक ब्लॉग पर अनुरोध आ हमारा ई -मेल सेहो आयल छल जे श्री लल्लन प्रसाद ठाकुर जी क विषय में तथा हुनक रचनाक किछु जानकारी ब्लॉगक मध्यम स देबाक लेल। ओना हुनका पर एकटा ब्लॉग छैन्ह जाहि केर लिंक छैक : www.lallanprasadthakur.blogspot.com/ मुदा पाठकगणक अनुरोध छैन्ह तs हम हुनक संक्षिप्त परिचय एही ब्लॉग पर सेहो दs रहल छी।

"श्री लल्लन प्रसाद ठाकुर जी"ओना तs अभियंता छलाह मुदा एकटा अभियंता में एक संगे एतेक रास गुण बहुत कम देखबा में अबैत छैक। ई १९८१ कs गप्प थिक, देश भरि में मैथिलि कs अष्ठम सूचि में स्थानक लेल आन्दोलन चलैत छलैक। एही सन्दर्भ में निर्णय भेल छलैक जे देशक हर क्षेत्र सs प्रधानमन्त्री के नाम पत्र पठायल जायत । लाखक लाख पत्र देशक हर कोना सs मैथिलि भाषा भाषी लिखि कs प्रधानमन्त्री इंदिरा गाँधी के पठौलखिन्ह। एही में जमशेदपुरक मैथिल भाषा भाषी सेहो पूर्ण रूपेण सहयोग रहलैन्ह। विचार भेलैक जे एकटा छोट छीन कार्यक्रम कैल जाय, पोस्टकार्ड पहिनही घरे घर बाँटि देल जाय आ ओहि दिन जतेक तक भs सके पोस्टकार्ड लोक लs कs आबैथ आ जमा करैथ ।कार्यक्रमक भार श्री लल्लन प्रसाद जी के ई कही देल गेलैन्ह जे समय बहुत कम छैक परंच ओ जओं चाहिथिन्ह तs भs सकैत छैक।

समय कम की, बड़ कम छलैक, मुदा जाहि दिन निर्णय लेल गेलय कि कार्यक्रम होयतैक ओहि दिन अपन अभिन्न मित्र श्री बालमुकुन्द जी कs सँग बैसी कs ई निर्णय लs लेल्थिन्ह जे कोन तरहक कार्यक्रम होयतैक। निर्णय भेलैक जे एकटा संगीतक (ऑर्केस्ट्रा) कार्यक्रम कैल जाय, आ हम सब ओहि दिन संकल्प दिवस के रूप में मनाबी । बालमुकुन्द जी के गेलाक बाद ओहि कार्यक्रमक पहिल गीत सेहो लिखा गेलय। करीब दू सप्ताहक समय छलैक, ओहि में गीत सबटा लिखि कs अपनहि धुन दs आ किछु गीत अपनहि गेनहो रहथिन्ह। बाकी गीत के सेहो कलाकार सब सs तैयारी करा निर्धारित तारीख कs कार्यक्रम भs गेलैक। कार्यक्रम खूब सफल रहलैक। ओहि कार्यक्रमक पहिल गीत अछि :

"संकल्प गीत "

संकल्प लिय संकल्प लिय
संकल्प लिय यौ,
बाजब मैथिलि
मिथिलाक लेल जियब यौ .....
संकल्प लिय .......२

शांतिमय प्रयास हमर ई ,
सुनिलिय देशक नेता.....३
सूचि अष्ठम में स्थान दियौ
आरो नय किछु कहब यौ ....
संकल्प लिय ........२ ।

लाखक लाख पत्र जाइत अछि
आंखि खोलि कs देखू .........३
आबि गेल समय इंदिरा जी ,
मिथिलाक मान राखू ...३
संघर्ष बढ़त जाँ बात ने मनबय
आरो ने हम सहब यै।
संकल्प ........३।

गीतकार : लल्लन प्रसाद ठाकुर
संगीतकार :लल्लन प्रसाद ठाकुर

Katha Madhopur Ki

2009-03-13T17:09:00.006+05:30

Prakash Jha & Lallan Prasad Thakur

Baklel was staged in New Delhi and was awarded maximum prizes in International Maithili Drama competition. It broke all the previous record of the Maithili Drama competition. Mr. Prakash Jha was one of the judge. He liked the drama very much and on the stage he asked for the address and phone number from Mr. Lallan Prasad Thakur.

After few months Mr. Prakash Jha called on phone to Mr. Lallan Prasad Thakur and told him that he was going to make a featurette film, so he wanted Mr. Thakur to come to Patna. That time Mr. Prakash Jha was in Patna. So, Mr. Thakur went to meet him in Patna and after three days he came back. Mr. Prakash Jha had given him the main role of a vilain in that film and told him to come back as soon as possible after taking at least one months leave because he has to be there with him in the interview of the artists, which Mr. Prakash Jha had to select for that film.

Mr. Thakur applied for one month leave and was sanctioned. So, after a week he again went Patna and had called Mr. G. Vishwanathan and Sudhir Mishra, both were his drama artists for that film after a week. After one week the whole "Katha Madhopur Ki"team was on the location for shooting in May 1988. G.Vishwanath and Sudhir Mishra both are also in that film. After few weeks my children had vacation, so I also went to see the shooting. The shooting of that film was completed in a month but the other technical part of the film took few months. The film was released in September, I was also present on the release of "Katha Madhopur Ki"and witnessed the film. On Gandhi Jayanti it was released for TV on Doordarshan channel.

I still have the copy of that film inform of DVD . I have watched that film several times but still like to watch it.

Introduction

2009-03-02T14:34:00.004+05:30

Pune

Lallan Prasad Thakur was the second son of Shrimati Subhadra Devi and Shri Hiranand Thakur of village Samaul, Madhubani. He was born on 5th February 1951 and that day was Naraknivaran Chaturdashi. That is "Lord Shankar's" birtday.

He use to take part in cultural activities since his childhood. He did his higher secondary from Watson High School, Madhubani, after that he joined Muzaffarpur Institute Of Technology and did his engineering(civil) from there in 1975. In his first year he became the cultural secretory of his college and organized several programs for his college as well as he took part in the programs too. From second year till final year he was the general secretory of the student union of his college. After completing his engineering he joined Ganga Bridge Project Patna but he resigned it in 1977 and joined Tata Steel as a project engineer and was there till 1995.

He was an engineer but he had a good command over English and wanted to do his masters in English but that dream was not fulfilled. Drama was his passion and wrote script of several dramas in Maithili and Hindi which are very popular. All his Maithili dramas are played several times in Madhubani and in the villages near Madhubani. Even now it is played during Durga Pooja. His popular dramas in Maithili are:" Badka Saheb", "Mister Nilokaka", "Longia Mirchai", "Baklel" and "Aadi Wa Ant". Badka saheb is his first Maithili drama but the most popular drama is "Mister Nilo Kaka". He got several prizes in the "International Maithili Drama Competition" for acting, directing, script writing etc.

He has also written a Hindi "Novel called Sooni Sadak" and "Haveli Ram".

He has written safety slogans, poems, songs, and gazals in Hindi and Maithili too. Some of his songs and Maithili kawalies are very popular. His letters to his dear ones and friends are also very popular amongst his friends and family members. The first letter he wrote to his elder son is also in form of poem. Over all he was a versatile personality.